دیدارهای عمران‌خان با همسایگان افغانستان برای تشکیل دولت فراگیر در کابل
نخست وزیر پاکستان توییتی در مورد اهمیت صلح در افغانستان منتشر کرد.
به گزارش ایلنا به نقل از آسوشیتدپرس، عمران خان نخست وزیر پاکستان روز شنبه گفت که با طالبان برای ایجاد یک دولت فراگیر در افغانستان که شامل اقوام تاجیک، هزاره و ازبک می‌شود، گفت‌وگو کرده است.
نخست وزیر پاکستان که برای شرکت در اجلاس سران سازمان همکاری شانگهای به تاجیکستان سفر کرده، با رهبران کشورهای همسایه افغانستان از جمله ایران، قزاقستان، ازبکستان و تاجیکستان دیدار کرد.
نخست وزیر پاکستان در توئیتر گفت: "پس از ملاقات در دوشنبه با رهبران همسایگان افغانستان و به ویژه بحث طولانی با امامعلی رحمان، رئیس‌جمهور تاجیکستان، من با طالبان گفت‌وگو کردم تا دولت افغانستان شامل تاجیک‌ها، هزاره‌ها و ازبک‌ها شود."
وی گفت که پس از ۴۰ سال درگیری، این امر فراگیری صلح و یک افغانستان باثبات را تضمین می‌کند که نه تنها به نفع افغانستان بلکه به نفع منطقه است.
همچنین در سازمان همکاری شانگهای، نخست وزیر پاکستان بر موضع پاکستان برای یک دولت فراگیر در افغانستان که نماینده همه جوامع برای دستیابی به صلح پایدار در این کشور باشد، تاکید کرده است.
